Gənc qadın aldatdığı sevgilisi tərəfindən zibil qabına atıldı

Rusiyada xəyanətlə üzləşən qəzəbli kişinin sevgilisini böyük zibil qabına atması anı sosial mediada böyük səs-küyə səbəb olub.

Sonxeber.az xarici mediyaya istinadən xəbər verir ki, bir binanın qarşısında qeydə alınan görüntülərdə cütlük mübahisə edərək küçəyə çıxıb. Görüntülərdə mavi cins şalvar və mavi köynək geyinmiş kişinin tünd şalvar və qırmızı kofta geyinmiş sarışın qadının qollarından tutaraq onunla dalaşdığı görünür.

Mübahisənin qəfil şiddətləndiyi anda kişi qadını havaya qaldırır. İlk cəhdində uğursuzluğa düçar olan kişi ikinci cəhdində qadını böyük yaşıl zibil qabına atmağa müvəffəq olur. Qadın nəhəng konteynerə düşən kimi bir anlıq gözdən itir.

Hadisəyə səbəb kişinin sevgilisini ona xəyanət edərkən yaxalaması olub. Lakin görüntülərin dəqiq harada və nə vaxt qeydə alındığı hələ müəyyən edilməyib.

Təxminən 30 saniyə davam edən və sosial mediada sürətlə yayılan videoda qadının konteynerdən necə çıxarıldığı və səhhətinin necə olduğu görünmür.

Telegramda izləyin