"Macarıstan Avropa İttifaqının çox azysaylı ölkələrindəndir ki, hər zaman obyektiv duruşu ilə seçilir" - AÇIQLAMA

Macarıstan Azərbaycana minatəmizləmə sahəsində dəstək göstərməyə davam edəcək.

Bunu Macarıstanın Azərbaycandakı səfiri Tamaş Torma deyib.

O qeyd edib ki, Macarıstan 2021-ci ildən etibarən Azərbaycanın minatəmizləmə prosesinə dəstək verir:

"Bu dəstək davam edəcək. Biz bütün minatəmizləmə tədbirlərinə, konfranslarına qatılırıq və qatılacağıq. Ölkələrimiz arasında iqtisadi və siyasi münasibətlər yüksək səviyyədədir. Bu il də siyasi məsləhətləşmələr mütləq yüksək səviyyədə olacaq".

"Macarıstan Avropa İttifaqının çox azysaylı ölkələrindəndir ki, hər zaman obyektiv duruşu ilə seçilir" , - bunu Sonxeber.az -a açıqlama verən politoloq Tural İsmayılov deyib:

"Azərbaycanla Macarıstan müxtəlif sahələrdə dərin əməkdaşlıq edir. Macarıstan Avropa İttifaqının çox azysaylı ölkələrindəndir ki, hər zaman obyektiv duruşu ilə seçilir. Eyni zamanda Macarıstan Fransanın təsiri altında olan dairələrin birmərkəzli şəkildə Ermənistanı dəstəkləməsi prosesinin əleyhinə öz mövqelərini ifadə edir.

Macarıstan hər zaman humanitar məsələlərdə kifayət qədər ehtiyyatlı davranır və obyektivliyin əldə edilməsinə çalışır. Bu baxımdan Macarıstanın Azərbaycandakı səfiri Tamaş Tomanın açıqladığı kimi, onlar ölkəmizə minatəmizləmə sahəsində də öz dəstəklərini ifadə edəcək. Bununla da Macarıstan digər dövlətlərin görmədiyi terror problemini gördüyünü ifadə edir. Bu, Azərbaycanla Macarıstanın dostluq münasibətlərinin növbəti təzahürüdür".

Telegramda izləyin