Boşanma prosesində olduğu 5 övladının anasını öldürdü

5 uşaq anası Rabia Şen və boşanma prosesində olduğu həyat yoldaşı S.Ş., Adananın Ceyhan rayonunun Şahin Özbilen məhəlləsində yaşayırdılar. Evdə onların arasında mübahisə yaranıb.

Sonxeber.az türk mediyasına istinadən xəbər verir ki, mübahisənin böyüdüyü hadisədə S.Ş. Rabia Şeni bədəninin müxtəlif yerlərindən bıçaqlayıb.

Ağır yaralanan 38 yaşlı qadını Ceyhan Dövlət Xəstəxanasında edilən bütün müdaxilələrə baxmayaraq xilas etmək mümkün olmayıb.

Rabia Şenin cəsədi Adana Ədliyyə Tibb Qurumuna göndərilərkən, növbətçi prokuror hadisə yerində ekspertiza aparıb. S.Ş.-nin saxlanıldığı hadisə ilə bağlı çoxşaxəli istintaq başladılıb.

Cütlüyün daha əvvəl də tez-tez dalaşdığı, Rabia Şenin bir müddət evdən ayrıldığı, daha sonra əri ilə barışdıqdan sonra geri qayıtdığı, lakin problemlərinin davam etdiyi öyrənilib.

Telegramda izləyin