Sevgilisi ilə mübahisədən sonra intihara cəhd etdi: "Mənim günahım səni sevməkdir?"

Antalyada sevgilisi ilə mübahisə edən şəxs 25 metrlik uçurumun kənarına gələrək intihara cəhd edib.

Sonxeber.az türk mediasına istinadən xəbər verir ki, kişi ailəsi, sevgilisi və polisin təqribən 2,5 saat razı salma çabalarından sonra intihar fikrindən daşınıb.

Polis qruplarının apardığı ilkin danışıqlar nəticə vermədikdə hadisə yerinə Polis Şöbəsinin danışıqlar aparan polisi cəlb olunub. Bu proses zamanı M.Y.-nin atası və bəzi qohumları da hadisə yerinə gələrək razı salma işlərində iştirak ediblər. Hadisə yerində olan sevgilisi bəzən göz yaşlarını saxlaya bilməyib, cütlük arasında zaman-zaman mübahisə yaşanıb.

İntihar fikrindən daşındırma cəhdləri zamanı hava soyuduğu üçün danışıq aparan polis M.Y.-a paltonu təhvil verəndə "Mən belə üşüdüm, hava soyuqdur. Səni düşünürük, sevirik. Sənin üçün buradayıq, bir az bizə kömək et", - dedi.

M.Y. razılaşdırılaraq sağ-salamat intihar fikrindən daşınıb. Təcili yardıma aparılarkən qısa müddət çətinlik çəkən M.Y. tibbi qrupların müşayiəti ilə Antalya Təhsil və Araşdırma Xəstəxanasına aparılıb.

Hadisə ilə bağlı araşdırmalara başlanılıb.

Telegramda izləyin