Fethiyədə vəhşi donuz balası şəhər mərkəzinə endi: Həmin anlar telefonla qeydə alındı - VİDEO

Muğlanın Fethiye rayonunda şəhər mərkəzinə enərək bir ticarət obyektinə daxil olan vəhşi donuz balası yerli sakinlərin marağına səbəb olub. Hadisə şahidləri həmin anları mobil telefonla qeydə alıblar.

Sonxeber.az türk mediasına istinadən xəbər verir ki, donuz balasının qida axtarmaq məqsədilə şəhər ərazisinə endiyi bildirilir. Onun bir iş yerinə daxil olması da kamera tərəfindən lentə alınıb.

Hadisə şahidlərindən Ahmet Akan bildirib: "Donuz balaları çox şirindir, amma bu qədər yaxınlaşmaları bizi narahat edir". Hüseyin Gökçe isə deyib: "Səsləri eşidən kimi telefonumun kamerasını açdım və çəkdim".

Rəsmi qurumlar bu cür halların artma ehtimalının olduğunu qeyd edərək bildiriblər ki, təbiətdə qida tapmaqda çətinlik çəkən vəhşi heyvanlar getdikcə daha çox yaşayış məntəqələrinə yaxınlaşır. Vətəndaşlara isə bu kimi hallarda ehtiyatlı olmaları tövsiyə olunub.

Telegramda izləyin