Gənc qız keçmiş sevgilisi tərəfindən qətlə yetirildi

İzmirin Beydağ rayonuna bağlı Eğridere məhəlləsində ötən gün saat 21:00 radələrində dəhşətli bir hadisə baş verib.

Sonxeber.az türk mediasına istinadən xəbər verir ki, Aysun Candan (20) atası İbrahim Candan ilə birlikdə birmərtəbəli evlərində oturduqları zaman, pəncərəyə yaxınlaşan şübhəli şəxs odlu silahla atəş açıb. Güllələrin hədəfinə çevrilən gənc qız hadisə yerində ağır xəsarət alıb.

Hadisədən dərhal sonra atası 112 Təcili Yardım Xidmətinə məlumat verib. Əraziyə səhiyyə və polis əməkdaşları cəlb olunub. Tibbi yardım heyəti Aysun Candanın həyatını itirdiyini müəyyən edib. Onun cəsədi prokurorun ilkin araşdırmasından sonra tibbi ekspertiza üçün İzmir Ədli Tibb İdarəsinə aparılıb.

Hadisə ilə bağlı polis əməkdaşları tərəfindən istintaq başladılıb. Araşdırmalar nəticəsində Aysun Candanın keçmiş sevgilisi olduğu öyrənilən H.A. adlı şəxs saxlanılıb. Hazırda istintaq davam etdirilir.

Telegramda izləyin