Dəfn mərasimində dirildi: Ölüm kağızı verilən qadın tabutda tərpəndi

Ekvadorda baş verən inanılmaz hadisə dünya gündəmini zəbt edib.

Sonxeber.az xarici mediaya istinadən xəbər verir ki, 76 yaşlı Bella Montoya adlı qadın ölüm elanından sonra tabuta yerləşdirilsə də, dəfn mərasimi zamanı dirildiyi müşahidə olunub.

Qadının ölüm xəbəri xəstəxanada elan edilib və onun cəsədi ailəsinə təhvil verilib. Tabuta qoyulan qadının dəfn mərasimi keçirilərkən, ailə üzvləri onun tərpəndiyini və nəfəs aldığını görərək şoka düşüb. Xüsusilə qadının sol əlini tərpətməsi diqqət çəkib. Qohumları dərhal tabutu açaraq onu xəstəxanaya qaytarıblar.

Hadisədən sonra Ekvador Səhiyyə Nazirliyi məsələ ilə bağlı araşdırmalara başlayıb. Hadisənin necə baş verdiyi və xəstəxana tərəfindən niyə səhvən ölüm elanının verildiyi sual altındadır.

Bu qəribə və nadir hadisə, ölümün də bəzən səhv diaqnoz ola biləcəyini xatırladaraq dünya mediasında geniş maraqla qarşılanıb.

Telegramda izləyin