Marketlər şəbəkəsində çalışan qadın kassir hücuma məruz qaldı - VİDEO

İstanbulun Bayrampaşa rayonunda yerləşən böyük marketlər şəbəkəsinin bir filialında qadın kassir naməlum səbəbdən əcnəbi vətəndaş tərəfindən döyülüb. Qadının aldığı zərbələr nəticəsində yerə yıxıldığı hadisə anı təhlükəsizlik kameralarına düşüb.

Sonxeber.az türk mediasına istinadən xəbər verir ki, hadisə ötən cümə günü saat 16:48 radələrində Bayrampaşanın Muratpaşa məhəlləsində baş verib. İddiaya görə, əcnəbi şəxs marketdən çörək alaraq kassaya yaxınlaşıb. Bir müddət sonra kassaya gələn qadın kassirlə onun arasında səbəbi hələlik məlum olmayan mübahisə yaranıb.

Daha sonra kişi çıxış qapısına doğru hərəkət edərkən mübahisə qısa müddətə fiziki qarşıdurmaya çevrilib. O, qadına əvvəlcə təpik, ardınca yumruqla zərbə endirib. Kassir yerə yıxılıb, hücum edən şəxs isə qaçaraq hadisə yerindən uzaqlaşıb.

Polis hadisəni törədən şəxsin tutulması üçün araşdırmalara başlayıb. Qadının səhhətinin yaxşı olduğu bildirilib. Hadisə anı təhlükəsizlik kameralarına düşüb.

Telegramda izləyin