Suda boğulan əmi uşaqları barədə detallar üzə çıxıb

Şanlıurfada suvarma kanalında boğulan iki əmisi uşağı ilə bağlı ürəkağrıdan detallar ortaya çıxıb.

Sonxeber.az türk mediasına istinadən xəbər verir ki, hadisə Şanlıurfanın Osmanbəy məhəlləsindəki piknik sahəsində baş verib. Belə ki, ailələri ilə birlikdə piknikə gedən Rüveyda Dəmir (12) və İbrahim Halil Kılıç (13) suvarma kanalına düşüb.

Əvvəlcə qız müvazinətini itirərək suya düşüb. Sonra əmisi oğlu onu xilas etmək üçün əlini uzadıb və o da suya düşüb. Bundan sonra hər ikisini axın aparıb. Onların suda çırpındığını görən vətəndaşlar uşaqları sudan çıxarıb.

Məlumat üzərinə gələn sağlamlıq qrupları tərəfindən uşaqlara ilkin tibbi yardım göstərildikdən sonra onlar Harran Universiteti Xəstəxanasına aparılıb.

Lakin iki uşağı da xilas etmək mümkün olmayıb. Əmi uşaqları tibbi ekspertizanın rəyindən sonra torpağa tapşırılıb.

Telegramda izləyin