Ailə dramı: Mübahisə zamanı atasını öldürdü

Türkiyənin Kayseri vilayətinin Talas rayonunda yerləşən Yenidoğan məhəlləsində qan donduran hadisə baş verib.

Sonxeber.az türk mediasına istinadən xəbər verir ki, iddialara görə, 58 yaşlı E.R. hələlik məlum olmayan səbəbdən 83 yaşlı atası M.R. ilə mübahisə edib.

Mübahisə getdikcə alovlanıb və nəticədə E.R. atasını bıçaqlayaraq ağır yaralayıb. Hadisə ilə bağlı dərhal polis və təcili tibbi yardım əməkdaşları hadisə yerinə cəlb olunub. Tibb işçilərinin ilkin müdaxiləsinə baxmayaraq, yaşlı kişinin həyatını xilas etmək mümkün olmayıb – onun hadisə yerində vəfat etdiyi müəyyən edilib.

Mərhumun meyiti müayinə üçün morqa aparılıb. Atasını qətlə yetirməkdə şübhəli bilinən E.R. isə polis tərəfindən saxlanılaraq bölməyə aparılıb.

Hadisə ilə bağlı araşdırma aparılır.

Telegramda izləyin