Dalaşandan sonra münasibətləri bərpa etmək üçün deməli olduğunuz CÜMLƏLƏR

Hər kəsin münasibətində mübahisələr olur, lakin əsas məsələ – mübahisədən sonra nə demək və necə davranmaqdır.
Etibarı və yaxınlığı yalnız davranışla deyil, doğru sözlərlə də bərpa etmək mümkündür. Bunun üçün müəyyən ifadələr mövcuddur ki, münasibətlərə müsbət təsir göstərir və konflikt sonrası yaxınlaşmanı asanlaşdırır.

Bu barədə Lent.az məlumat verir:

Münasibətləri düzəltməyə kömək edən 10 ifadə:

"Bağışla, bu vəziyyətin belə olmasına görə təəssüf edirəm".
– Səmimi üzrxahlıq baş verənlərə görə məsuliyyəti qəbul etdiyinizi göstərən güclü bir addımdır.

"Səni eşidirəm və səni anlamaq istəyirəm".
– Mübahisədən sonra təkcə danışmaq deyil, dinləmək də vacibdir. Bu cümlə dialoqa açıq olduğunuzu göstərir.

"Niyə belə hiss etdiyini anlayıram".
– Hətta partnyorunuzun hissləri ilə razılaşmasanız belə, onu anlamağa çalışdığınızı göstərmək çox dəyərlidir.

"Səni incitmək istəməmişdim".
– Bəzən mübahisələr ehtiyatsız ifadələrdən qaynaqlanır. Bu sözlər, dediklərinizin məqsədli olmadığını aydınlaşdırır.

"Sən mənim üçün çox dəyərlisən".
– Bu ifadə münasibətlərin mübahisədən daha önəmli olduğunu xatırladır.

"Gəlin bu problemi birlikdə həll edək".
– Kim haqlıdır mübahisəsini buraxın, əsas məsələ hər iki tərəfi razı salacaq həll yolunu tapmaqdır.

"Mən vəziyyəti necə düzəldə bilərəm"?
– Xətanı düzəltməyə hazır olduğunuzu ifadə etmək münasibətə olan səylərinizi göstərir.

"Sənə görə minnətdaram..."
– Mübahisədən sonra belə, münasibətlərdəki yaxşı məqamları xatırlamaq vacibdir. Təşəkkür hissinizi bölüşmək partnyorunuza onu qiymətləndirdiyinizi göstərir.

"Mən istəmirəm ki, bu bizi bir-birimizdən uzaqlaşdırsın".
– Bu cümlə münasibətin özünün konfliktin özündən daha vacib olduğunu göstərir.

"Gəlin bir-birimizi qucaqlayaq"?
– Bəzən sözlər artıq olur. Səmimi bir qucaqlaşma gərginliyi azaldır və barışığa böyük töhfə verir.

Əsas məsələ – səmimiyyətdir
Vitaliy Kursikin fikrincə, bu sözlər "sehrli ifadələr" deyil. Onlar yalnız səmimi niyyətlə, əlaqəni doğrudan da bərpa etmək istəyi ilə deyiləndə təsirli olur.

Telegramda izləyin