Avtobusda yanğın baş verdi: Sərnişinlər təxliyə edildi - VİDEO

İstanbulun Okmeydanı-Beylikdüzü istiqamətində hərəkətdə olan bir avtobusun mühərrik hissəsində naməlum səbəbdən yanğın baş verib.

Sonxeber.az türk mediasına istinadən xəbər verir ki, sürücü tüstünü fərq etdikdən dərhal sonra sərnişinləri təxliyə edib və dayanacaqda olan təhlükəsizlik işçiləri ilə birlikdə alova müdaxilə edib.

Yanğın avtobusun digər hissələrinə keçmədən qısa müddətdə söndürülüb. Hadisə səbəbilə avtobus xəttində qısa müddətlik gecikmələr yaşanıb.

Yolun bağlanması səbəbindən bəzi avtobuslar hərəkət edə bilməyib. Yanğından zərər görən avtobus ərazidən uzaqlaşdırıldıqdan sonra marşrut üzrə hərəkət normallaşıb.

Telegramda izləyin