Ailəsindən gizli avtomobili idarə edən azyaşlı uşaq qəza törətdi

Aksarayda məktəbli yaşlarında olan azyaşlı bir uşaq ailəsindən xəbərsiz şəkildə avtomobilin açarını götürərək yola çıxıb.

Sonxeber.az türk mediasına istinadən xəbər verir ki, kiçik sürücü sükan arxasında nəzarəti itirərək, yol kənarında park edilmiş avtomobilə çırpılıb.

Qəza xəbərini eşidərək hadisə yerinə gələn uşağın atası, qarşılaşdığı mənzərə qarşısında şoka düşüb. Oğluna sərt şəkildə irad bildirən atanın həmin anları saniyə-saniyə görüntülənib.

Xoşbəxtlikdən hadisə nəticəsində heç kim xəsarət almayıb və həyat itkisi yaşanmayıb. Lakin, həm ailəyə məxsus avtomobildə, həm də vurulan nəqliyyat vasitəsində maddi zərər meydana gəlib.

Hadisə ilə bağlı sosial şəbəkələrdə yayılan reaksiyalarda uşaqların nəzarətsiz şəkildə avtomobil açarlarına çıxış imkanının ciddi təhlükə yaratdığı vurğulanıb. Mütəxəssislər bu cür halların qarşısını almaq üçün ailələri daha diqqətli və məsuliyyətli davranmağa çağırırlar.

Telegramda izləyin