Pişik marketə girib ət yedi, səlahiyyətlilər tənqid edildi

İstanbulun Sultanbəyli səmtindəki marketdə baş verən hadisə sosial mediada müzakirələrə səbəb olub.

Sonxeber.az türk mediasına istinadən xəbər verir ki, bir pişik marketin ət bölməsinə girərək ətləri yeməyə çalışıb. Bunu görən vətəndaşlardan biri mobil telefonun kamerası ilə hadisə anını lentə alaraq sosial mediada paylaşıb.

Paylaşım sosial mediada ən çox müzakirə olunanlardan birinə çevrilib. Belə ki, marketlərdə gigiyena qaydalarına riayət edilməməsi və yoxlamaların aparılmaması vətəndaşların qəzəbinə səbəb olub.

Vətəndaşlar xüsusilə ərzaq məhsulları ilə bağlı daha sərt və effektiv nəzarətin həyata keçirilməsinin vacibliyini bildirərək, səlahiyyətli şəxsləri tədbir görməyə çağırıblar.

Telegramda izləyin