10 illik işçisinə son iş günündə 1 milyonluq maşın hədiyyə etdi

Qaziantepdə şadlıq sarayı işlədən Qazi Albayrak 10 ildir onunla işləyən suriyalı Məhəmməd Əliyə unudulmaz bir sədaqət nümunəsi nümayiş etdirib.

Sonxeber.az türk mediasına istinadən xəbər verir ki, Albayrak Suriyaya qayıtmağa qərar verən Əliyə 1 milyon TL dəyərində inşaat maşını hədiyyə edilib.

"Məhəmməd qardaşımız Suriya vətəndaşıdır. 10 ildir bizimlə işləyir. Türkiyənin son günlər atdığı addımlardan sonra ölkəsinə qayıtmaq qərarına gəlib. Bu inkişaf bir tərəfdən bizim üçün sevindirici olsa da, digər tərəfdən onunla qurduğumuz dostluq və qardaşlıq bağı səbəbindən olduqca üzücüdür. O, son dərəcə dürüst, çalışqan və etibarlı bir insandır, ona görə özümüzü ona borclu hiss edirik. Ona bir tikinti maşını hədiyyə etdim. Bu hədiyyənin böyük mənəvi mənası var, ümid edirəm ki, o, öz ölkəsində dağılmış evləri bərpa edərkən ona çox kömək olacaq", - deyə Albayrak açıqlama verib.

Əli isə cavabındaI "10 ildir bir yerdə işləyirik və heç bir problemimiz olmayıb. Mənə daha çox maaşlı başqa iş təklifləri gəlsə də, getməmişəm. İndi belə böyük hədiyyəni almaq məni həm dərindən təsirləndirir, həm də qürur duyuram. Allah razı olsun".

Telegramda izləyin