Avtovağzalda inanılmaz anlar: Avtobusu sərnişin sürməli oldu - VİDEO

Türkiyənin ən işlək avtovağzallarından biri olan Adana Avtovağzalında dünən axşam saatlarında yaşanan hadisə həm təəccüb, həm də narahatlıq yaradıb.

Sonxeber.az türk mediasına istinadən xəbər verir ki, uzun məsafəli marşrut üzrə hərəkət edən bir avtobusun sürücüsü, qanuni sürüş müddətini tamamladığı üçün sükan arxasına keçə bilməyəcəyini bildirəndə gözlənilməz bir vəziyyət baş verib: sükan arxasına sərnişinlərdən biri keçib.

Hadisə axşam saatlarında baş verib. Sürücü, qanunla müəyyən olunmuş gündəlik sürmə limitinə çatdığını və istirahət etmədən avtobusu idarə edə bilməyəcəyini bildirib. Avtobus şirkəti tərəfindən qısa müddətdə əvəzləyici sürücü tapıla bilməyib və bu, sərnişinlər arasında narahatlığa səbəb olub.

Bu zaman avtobusdakı sərnişinlərdən biri sürücülük vəsiqəsinin olduğunu və uzun yol təcrübəsinə malik olduğunu deyərək avtobusu idarə etməyi təklif edib. Bəzi sərnişinlər "vaxt itirməyək" deyə bu təklifə dəstək verib, digərləri isə təhlükəsizlik səbəbilə kəskin etiraz ediblər.

Hadisə nəticəsində avtobusda qısa müddətli gərginlik yaşanıb. Bir qrup sərnişin "Bir şans verək, yola davam edək" deyə fikrini ifadə edərkən, digərləri "Həyatımızla oynanır, bu qəbuledilməzdir!" deyərək şirkətə sərt reaksiya göstərib.

Telegramda izləyin