Qumru eskavatorun bumu üzərində yuva qurub deyə sürücü 17 gündür işə çıxmır

Hatayda ekskavator sürücüsü işləyən Bülent Kuyucunun başına qəribə hadisə gəlib.

Sonxeber.az türk mediasına istinadən xəbər verir ki, Kuyucunun ekskavatorunun bumu üzərində qumru quşu yuva qurub. O quşun yuvasını pozmamaq üçün 17 gündür eskavatoru işə salmır.

Belə ki, bir müddət əvvəl Kuyucu ekskavatorunu yoxlayıb və içində yumurta olan quş yuvasına rast gəlib. O quşun yuvasını pozmamaq üçün bir müddət eskavatoru işlətməməyə qərar alıb. Ona iş üçün zəng edən müştərilərinə də hadisəni olduğu kimi danışıb.

Kuyucu işləmədiyi 17 gündə təxminən 150 min TL itirdiyini bildirib: "Narlıca estakadasında iş yerimiz var. Bir quş ekskavatorumun bumuna yuva qurub və yumurtalarını qoyub. Onun yuvasını dağıda bilmərəm. Bu səbəbdən 17 gündür işləmirən. Təxminən 150 min TL zərərim var. Müştərilər mənə zəng edəndə yuvanı yıx deyirlər, amma bunu edə bilmərəm. Qoy bu quşun yuvasını dağıtmaqdansa, mənim ekskavatorum aylarla işləməsin".

Telegramda izləyin