Məşhur iş adamı aslanların hücumuna məruz qaldı

59 yaşlı alman iş adamı Bernd Kebbel həyat yoldaşı Conny və dostları ilə birlikdə lüks safari düşərgəsində qalırdı.

Sonxeber.az xarici mediaya istinadən xəbər verir ki, gecə saatlarında ehtiyac üçün avtomobilinin üstündə qurulan çadırdan çıxan Kebbel, ətrafda dolaşan aslanın hədəfinə çevrilib.

Hücum zamanı boynundan ağır yaralanan Kebbel hadisə yerində həyatını itirdi.

Namibiyanın Ətraf Mühit, Meşə və Turizm Nazirliyinin sözçüsü Ndeshipanda Hamunyela hadisəni təsdiqləyərək, "Təəssüf ki, cənab Kebbelin həyatını itirdiyini üzülərək bildiririk," dedi.

Namibiya Polisi sözçüsü Immanuel Iiduwa isə digər kampçılar tərəfindən aslanın qorxudulmağa çalışıldığını, lakin Kebbelin aldığı ölümcül yara səbəbindən xilas edilə bilmədiyini açıqladı.

Bernd Kebbel Namibiyada xüsusilə səhrada yaşayan aslanların qorunmasına verdiyi maddi dəstək ilə tanınırdı.

Telegramda izləyin