Ata iki qızını zəncirlə bağlayıb bir il işkəncə etdi

Braziliyada 36 və 38 yaşlı iki bacı bir il ataları tərəfindən cinsi istismara məruz qalıb və öz evlərindəki "həbsxanada" saxlanılıblar.

Sonxeber.az türk mediasına istinadən xəbər verir ki, hadisə Ceara əyalətinin Juazeiro do Norte şəhərində baş verib.

Belə ki, bacılar dəhşətli şəraitdə evlərində çarpayılarına bağlı vəziyyətdə tapılıb. Braziliya polisi 68 yaşlı atanı bir il ərzində qızlarını yatdırdıqdan sonra sistematik şəkildə zorlamaqda ittiham edərək həbs edib.

Ata evindəki "həbsxana"da qızlarını insan nəcisi və çürüyən zibillə dolu murdar çarpayılara bağlayıb. Onlara narkotik verib və zorlayıb.

Hadisə qonşunun polisə xəbər verməsindən sonra üzə çıxıb.

Polis nə atanın nə də qızlarının adını hələlik açıqlamır.

Telegramda izləyin