Anasını müdafiə edən oğul, atasını küçənin ortasında bıçaqladı

Ankarada boşanma prosesində olan valideynləri ilə üzləşən bir oğul, küçənin ortasında atasını dəfələrlə bıçaqlayaraq ağır yaralayıb. Hadisə yerinə dərhal polis və təcili tibbi yardım əməkdaşları cəlb olunub.

Sonxeber.az türk mediasına istinadən xəbər verir ki, hadisə, Ankaranın Sincan rayonunun Malazgirt məhəlləsində, Tuna küçəsində baş verib. İddiaya görə, İsrafil D. anası ilə boşanma ərəfəsində olan atası Mikail D. ilə küçədə rastlaşıb. Aralarında yaranan mübahisə qısa müddətdə qanlı davaya çevrilib.

İsrafil D., yanında gəzdirdiyi bıçaqla atasını küçənin ortasında bir neçə dəfə bıçaqlayıb. Ətrafdakı vətəndaşların məlumat verməsi ilə hadisə yerinə gələn təcili tibbi yardım briqadası yaralıya ilkin müdaxilə edərək onu xəstəxanaya çatdırıb. Atanın vəziyyətinin ağır olduğu bildirilir.

Hadisədən sonra qaçan İsrafil D.-nin saxlanılması üçün Sincan polisi genişmiqyaslı axtarış əməliyyatına başlayıb.

Telegramda izləyin