3 mindən çox avtomobil daşıyan nəhəng gəmidə yanğın

800-ü elektrikli avtomobil olmaqla 3 mindən çox avtomobili daşıyan nəhəng yük gəmisi Alyaska sahillərində alovlanıb. Yük gəmisindəki yanğın 24 saatdan çoxdur ki, davam edib.

Sonxeber.az xarici mediaya istinadən xəbər verir ki, ABŞ Sahil Mühafizəsi isə bildirib ki, yanğının davam etməsinə icazə verəcəklər, çünki elektrikli avtomobillərdəki litium-ion batareyalarının partlama riski var.

Alyaskanın Anchorage şəhərindən təxminən 1 200 mil məsafədə yerləşən "Morning Midas" adlı gəminin göyərtəsində çərşənbə axşamı günorta saatlarında tüstü çıxmağa başlayıb.

Ekipaj yanğını nəzarətə almaqda uğursuz olub və 15 dəqiqə sonra təhlükə xəbərdarlığı ediblər. 22 nəfərlik ekipaj xilasedici qayığa minib və ticarət gəmisi tərəfindən xilas edilib.

Sahil Mühafizəsi sözçüsü bildirib ki, yanğının davam etməsinə icazə verilib və avtomobillərdə olan litium-ion batareyalarının partlama riski olduğuna görə gəmini təhlükəsiz məsafədən izləyirlər. 26 may tarixində Çinin Yantai şəhərindən yola çıxan nəhəng yük gəmisinin 15 iyun tarixində Meksikanın Lázaro Cárdenas limanına çatması planlaşdırılırdı.

Telegramda izləyin