İntihar edən polis məmurunun evindən kişi meyiti tapıldı

Fatihdə intihar edən polis məmurunun evindən başqa bir kişi meyiti tapılıb.

Sonxeber.az türk mediasına istinadən xəbər verir ki, Fatih Rayon Polis Şöbəsi Mühafizə Bürosunda növbətçilik edən polis məmuru Semih G. gecə növbəsinə getmədiyi üçün narahat olan iş yoldaşları saat 19:00 radələrində Ayvansaray məhəlləsində Kariye İmarethanesi küçəsindəki evinə gəlib. Polis əməkdaşları Semih G.-dən qapının zəngini çalmasına baxmayaraq cavab ala bilməyəndə çilingər çağıraraq evə daxil olub. Evə baxış zamanı qonaq otağında polis məmuru Semih G.-nin meyiti tapılıb. Polis əməkdaşının xidməti tapançası ilə intihar etdiyi iddia edilib və hadisə ilə bağlı araşdırma aparılıb.

Evdə araşdırma aparan polis qrupları mətbəxdəki zibil qutusunun yanında qara zibil torbasının içərisində başqa bir kişiyə məxsus 10 barmaq, kəsilmiş burun, cinsiyyət orqanları, üz və baş dəri parçaları aşkar edib. Bundan əlavə, yataq otağında çarpayının altından çamadanda qara zibil torbalarına bükülmüş və bir-birinə yapışdırılmış qol, ayaq və gövdə hissələri aşkar edilib. Cəsədin kəllə sümüyü isə tapılmayıb.

Araşdırma zamanı meyitin həyat yoldaşından boşanan 3 uşaq atası Hüseyn G.-yə aid olduğu müəyyən edilib. İstintaq davam edir.

Telegramda izləyin