Birlikdə yaşadığı qadını döyərək xəstəxanalıq etdi

Samsunun Atakum rayonunun Mimarsinan məhəlləsində baş verən ailədaxili zorakılıq hadisəsi ictimaiyyətdə narahatlıq yaradıb. İki gün əvvəl K.G. adlı kişi, birlikdə yaşadığı və gecə klublarından birində işlədiyi üçün qısqandığı S.T. adlı qadını döyüb.

Sonxeber.az türk mediasına istinadən xəbər verir ki, hadisədən iki gün sonra, səhər saatlarında S.T. qəfil halı pisləşdiyi üçün K.G. tərəfindən özəl bir xəstəxanaya aparılıb. Həkimlərin verdiyi məlumata görə, qadının vəziyyəti ağırdır və həyati təhlükəsi davam edir.

Hadisədən xəbər tutan hüquq-mühafizə orqanları dərhal hərəkətə keçib. Atakum Rayon Polis İdarəsinin Ailədaxili Zorakılıq və Qadına Qarşı Şiddətlə Mübarizə Şöbəsinin əməkdaşları K.G.-ni saxlayaraq ifadəsini alıb.

Polis bölməsindəki istintaqdan sonra K.G. bu gün Samsun Ədliyyəsinə təhvil verilib.

Telegramda izləyin