Canlı yayımda törətdiyi qətli etiraf etdi, həbs olundu

Konyada toylarda xüsusi libas geyinərək Nəsrəddin Hoca obrazını canlandıran və aprelin 1-dən itkin düşən 62 yaşlı Mehmet Turalı tapmaq üçün anası televiziya proqramına çıxıb.

Sonxeber.az türk mediasına istinadən xəbər verir ki, hadisə Konyanın Akşehir rayonunun Doğrugöz məhəlləsində baş verib. Belə ki, Mehmet Tural (62) aprelin 1-də yoxa çıxıb. Turaldan xəbər ala bilməyən qohumları onun itkin düşməsi haqqında polisə ərizə verib. Həmin vaxt polis qruplarının apardığı əməliyyatlarda Turalın izinə rast gəlinməyib.

Turalın anası Məlahət Tural da oğlunu tapmaq üçün televiziya proqramında iştirak edib. Bu vaxt Akşehir Respublika Prokurorluğu Turalı tapmaq üçün Konya İl Təhlükəsizlik Müdirliyi Asayiş Şöbəsi Cinayət Büro Komandirliyinə bağlı qrupları təyin edib.

İstintaq davam edərkən, Turalın sosial şəbəkədə tanış olduğu qadına evlənmək vədi ilə təxminən 200 min TL və 160 min TL dəyərində qızıl göndərdiyi, daha sonra isə özünü "kəşfiyyatçı" kimi təqdim edən Kənan Yılmazdan (32) kömək istədiyi müəyyən edilib.

Televiziya proqramında canlı yayıma Kənan Yılmaz da qatılıb.

Günlərdir televiziya proqramında canlı yayımlara qatılan və Turalı öldürmədiyini deyən Kənan Yılmaz bu gün cinayətini etiraf edib. Yılmaz canlı yayımda çıxışında bunları belə izah edib: "Hadisə günü mənə zəng edəndə axşam saat 17:00 radələri idi. Onu avtovağzaldan götürdüm. Bir obyektdə şorba içdik. Sonra kəndimizdəki (Dəğirmen Köyü) çeşmənin başına gəldik. O mənə dedi ki, pul göndərdiyi qadının haqqında heç bir şey bilmir. Sadəcə şəklini görüb. Sonra birdən silahını çıxardı və mənə doğrultdu. Bunu niyə etdiyini bilmirəm. İtirəcək heç nəyim qalmayıb demişdi. Sonra özümü müdafiə etmək üçün silahını ona tərəf çevirdim və atəş açıldı"

Polis dərhal Kenanı canlı yayımda nəzarətə alınıb.

Mərhumun meyiti Kenanın dediyi yerdən tapılıb.

Hadisə ilə bağlı araşdırmalar davam edir.

Telegramda izləyin