"Uyğunsuz geyim" mübahisəsində qonşusunu silgi sapı ilə döydü

Türkiyədə Kocaelinin Derince rayonunda, Fevzi Çakmak küçəsində qonşu olan iki kişi arasında "uyğunsuz geyim" səbəbindən mübahisə baş verib.

Sonxeber.az türk mediasına istinadən xəbər verir ki, mübahisənin davaya çevrilməsi nəticəsində B.A., qeyri-etik geyinərək küçədə dolaşdığını iddia etdiyi M.Ç.-nin başına silgi sapı ilə zərbə endirib. Ətrafdakıların müdaxiləsi ilə dava dayandırılıb və hadisə yerinə polis və təcili tibbi yardım briqadası çağırılıb.

Yaralanan M.Ç.-yə ilkin tibbi yardım göstərildikdən sonra o, Derince Tədris və Araşdırma Xəstəxanasına yerləşdirilib. Burada müalicə altına alınan M.Ç.-nin səhhətinin yaxşı olduğu bildirilib.

Hadisə ilə əlaqədar saxlanılan B.A. ifadəsinin alınması üçün polis bölməsinə aparılıb. Faktla bağlı araşdırma aparılır.

Telegramda izləyin