Rusiyada öldürülən azərbaycanlıların yaxınları DANIŞDI: "Tok verdilər, palçıq yedizdirmək istədilər" - VİDEO

Xəbər verdiyimiz kimi, Rusiyada azərbaycanlılara qarşı xüsusi əməliyyat keçirilib, 2 nəfər öldürülüb, 50-dən artıq şəxs saxlanılıb. Əməliyyat zamanı iki qardaş Ziyəddin və Hüseyn Səfərovların həyatlarını itirdiyi bildirilir. Döyülmə nəticəsində 8 nəfər, o cümlədən Səfərovların qardaşı Bakir Səfərov müxtəlif dərəcəli bədən xəsarəti alıb.

Yekaterinburq şəhərində Rusiya Federal Təhlükəsizlik Xidmətinin əməkdaşlarının saxladığı, daha sonra sərbəst buraxdığı Ramil Səfərov baş verən hadisənin təfərüütlarını açıqlayıb. O bildirib ki, yaşadığı evə səhər saat 6-da daxil olublar. Ramil Səfərov onu da qeyd edib ki, Təhlükəsizlik Xidmətinin əməkdaşları evə girəndə heç bir sənəd göstərməyiblər.

Federal Təhlükəsizlik Xidmətinin saxladığı və sonradan sərbəst buraxdığı azərbaycanlılardan biri də Vüqar Səfərovdur. O, bildirib ki, evi ələk-vələk axtardılar və bir saat ərzində bizi döydülər. Başımızı yerə çırpırdılar. Oturacaqları başımıza vururdular.

Öldürülən Ziyəddin və Hüseyn Səfərovların qardaşı Seyfəddin Hüseynli "Xəzər Xəbər"ə açıqlamasında bildirib ki, 25 il bundan əvvəl olan naməlum cinayət hadisəsinə görə Rusiya tərəfindən kütləvi həbslər başlayıb.

Seyfəddin Hüseynli bildirib ki, daha əvvəl Rusiya İstintaq orqanları tərəfindən onun ailə üzvləri və saxlanılan digər şəxslər heç bir təhqiqat araşdırması üçün çağırılmayıb. O bildirir ki, qardaşları ilə yanaşı müxtəlif bölgələrdən olan, hazırda Rusiyada yaşayan azərbaycanlılar saxlanılaraq işgəncələrə məruz qalırlar.

Xezerxeber.az daha ətraflı videomaterialı təqdim edir.

Telegramda izləyin