Həyat yoldaşı içki içməsinə qarışır deyə onu 6-cı mərtəbədən aşağı atdı

Adanada Çağlar Gökgül adlı kişi 6 ay əvvəl ailə qurduğu arvadı müəllim Dilek Gökgülü 6-cı mərtəbədən atıb.

Sonxeber.az türk mediasına istinadən xəbər verir ki, hadisə Adananın Sarıçam rayonunda baş verib. Belə ki, 6 ay əvvəl ailə quran müəllim Dilek Gökgül (31) ilə həyat yoldaşı Çağlar Gökgül (36) arasında mübahisə yaranıb. Bu zaman Çağlar Gökgül mübahisə zamanı döydüyü həyat yoldaşını 6-cı mərtəbədən atıb.

Qadın, təcili tibbi yardım qrupları tərəfindən Adana Şəhər Təhsil və Araşdırma Xəstəxanasına aparılıb. Qadın xəstəxanada müalicə olunduqdan sonra evə buraxılıb. O, belindən aşağı iflic olub və artıq yeriyə bilmir.

Polis qrupları tərəfindən nəzarətə alınan Çağlar G. əməliyyatların ardından sövq edildiyi ədliyyədə hakim tərəfindən həbs olunub. O, ilk ifadəsində həyat yoldaşının onun içki içməsinə mane olduğu üçün əsəbiləşib bu əməli törətdiyini bildirib.

Hadisə ilə bağlı araşdırmalar davam edir.

Telegramda izləyin