Qəhrəman ata, gəmidən dənizə düşən qızını dəqiqələrlə davam edən mübarizədən sonra xilas etdi

Disney Dream kruiz gəmisində baş verən hadisə həm sərnişinləri qorxutdu, həm də bir atanın qəhrəmanlığını önə çıxardı.

Sonxeber.az xəbər verir ki, kiçik qızının dənizə düşdüyünü görən ata tərəddüd etmədən suya atıldı və təxminən 20 dəqiqə boyunca qızını qucağında saxlayaraq suda sağ qalmağı bacardı. Hər ikisi də sağlam-salamat xilas edildi.

Hadisə zamanı orada olan sərnişin Kevin Furuta Facebook-da yazdı: "Bir qız 4-cü güvertədən dənizə düşdü və atası onu xilas etmək üçün dərhal arxasınca suya atıldı".

Bəzi paylaşım və məlumatlara görə, ata təxminən 5 yaşlı qızını təxminən 20 dəqiqə boyunca suda qucağında saxlayıb. Digər sərnişinlərdən Devayne Smith isə yaşananları belə təsvir etdi: "Gəmidə hər kəs dua edirdi! Kiçik qız dənizə düşəndə atası dərhal arxasınca atıldı. Hər ikisi uğurla xilas edildi".

Kiçik qızın necə dənizə düşməsi hələlik dəqiqləşdirilməyib.

Disney Cruise Line şirkətindən verilən açıqlamada bildirilib ki, gəmi heyətinin sürətli və effektli müdaxiləsi nəticəsində iki sərnişin də qısa zamanda təhlükəsiz şəkildə gəmiə geri qaytarılıb.

Şirkət sözçüsü USA TODAY-ə müsahibəsində deyib:
"Mürettebatımızın fövqəladə bacarıqları və sürətli müdaxiləsi sayəsində qonaqlarımız dəqiqələr içində xilas edildi. Təhlükəsizlik protokollarımız effektiv şəkildə işləyir və qonaqlarımızın təhlükəsizliyi həmişə ən önəmli prioritetimizdir".

Telegramda izləyin