Xəstəxanaya gedən ailənin qarşısını kəsdilər – "Qadın kimi yalvarıram" desə də, dinləmədilər - VİDEO

İstanbulun Sarıyer rayonunda xəstəxanaya getməyə çalışan bir ailənin yolu, yolda yaşanan mübahisə səbəbindən kəsilib.

Sonxeber.az xəbər verir ki, avtomobildə olan qadın, "Xəstəm var, qadın kimi yalvarıram" deyə xahiş etsə də, qarşı tərəf onu eşitmək istəməyib.

Hadisə mobil telefon kamerası ilə qeydə alınıb. Görüntülərdə iştirakçılardan birinin "Məni gözəl çək" deməsi sosial şəbəkələrdə ciddi narazılığa səbəb olub. Bu görüntülər cəmiyyətin vicdanını sızladıb, sosial mediada istifadəçilər tərəfindən geniş şəkildə paylaşılıb və sərt şəkildə tənqid edilib.

Hadisə, bir daha yollarda yaşanan insanlıqdan uzaq rəftarları gündəmə gətirib. Vətəndaşlar məsələ ilə bağlı səlahiyyətli qurumları tədbir görməyə çağırır və bu cür halların qarşısını almaq üçün daha sərt cəzaların tətbiq edilməsini tələb edirlər.

Telegramda izləyin