Halsızlıq şikayəti ilə xəstəxanaya getdi, görün qarnından nə çıxdı

Türkiyədə, Kahramanmaraş ərazisində yaşayan bir qadın son günlərdə artan halsızlıq, yorğunluq və bədənindəki narahatlıqlar səbəbilə özəl xəstəxanaya müraciət etdi.

Sonxeber.az xəbər verir ki, xəstənin ilk müayinəsində qarın nahiyəsində qızartı və şişkinlik aşkarlandı. Bunun üzərinə qadın dermatologiya (dəri xəstəlikləri) bölməsinə yönləndirildi.

Dəri xəstəlikləri üzrə mütəxəssis Dr. Mehmet Alataş tərəfindən aparılan ətraflı yoxlamada qadının göbək ətrafına yapışmış gənə aşkarlanıb. Təhlükəli ola biləcək bu parazit mütəxəssis həkim tərəfindən xüsusi tibbi alətlərlə uğurla çıxarılıb və xəstə müşahidə altına alınıb.

Edilən analizlər nəticəsində gənənin hər hansı bir infeksiya ötürmədiyi və xəstənin ümumi sağlamlıq vəziyyətində ciddi bir problem olmadığı məlum olub. Müdaxilədən sonra qadın xəstə evə buraxılıb və qısa zamanda normal vəziyyətə qayıdıb.

Telegramda izləyin