Bazarda böyük qalmaqal! Heç kimin görmədiyini zənn etdi, amma kamera hər şeyi çəkdi - VİDEO

İstanbulun Kadıköy rayonuna bağlı Erenköy qəsəbəsində qurulan bazarda maraqlı bir oğurluq hadisəsi baş verib.

Sonxeber.az xəbər verir ki, alverin ən gur vaxtında, bir qadın başqa bir alıcının bazarlıq çantasından gizlicə bibər götürüb.

Baş verən hadisəni görən bazar satıcısı dərhal müdaxilə edib və qadını ətrafdakıların gözü qarşısında oğurluqda ittiham edib. Satıcının sərt reaksiyası ilə üzləşən qadın, bazardakı digər müştərilərin də diqqətini çəkib. Qısa müddətdə ətrafda gərginlik və səs-küy yaranıb.

Hadisənin ən diqqətçəkən tərəfi isə qadının bu hərəkəti gizli etdiyini zənn etməsi, lakin yaxınlıqdakı təhlükəsizlik kamerasının bütün prosesi lentə alması olub. Görüntülər sonradan sosial mediada da yayılıb və geniş müzakirələrə səbəb olub.

Bəzi sosial media istifadəçiləri qadının bu hərəkətini qınayarkən, digərləri isə insanların bu qədər ehtiyac içində olmasının düşündürücü olduğunu qeyd ediblər.

Telegramda izləyin