Yol kənarında huşsuz halda kimliyi naməlum uşaq tapılıb - Ailəsi axtarılır

Adıyaman vilayətində təxminən 15 yaşında olduğu düşünülən və əcnəbi olduğu ehtimal edilən kimliyi naməlum bir uşaq yol kənarında vətəndaşlar tərəfindən huşsuz halda tapılıb.

Sonxeber.az türk mediasına istinadən xəbər verir ki, hadisə yerinə çağırılan təcili tibbi yardım əməkdaşları tərəfindən ilkin müdaxiləsi aparılan uşaq Adıyaman Tədris və Araşdırma Xəstəxanasına çatdırılıb.

Həkimlərin müdaxiləsindən sonra uşağın vəziyyətinin stabil olduğu, lakin hələ də özünə gəlmədiyi bildirilib.

Hazırda uşağın ailəsinin tapılması və kimliyinin müəyyənləşdirilməsi istiqamətində araşdırmalara başlanılıb.

Telegramda izləyin