Tanınmış televiziya ulduzu evində ölü tapıldı - FOTO

Pakistanın "Tamasha Ghar" adlı realiti şousu ilə tanınan 32 yaşlı model və aktrisa Humaira Asghar Karaçidəki evində ölü tapılıb.

Sonxeber.az xəbər verir ki, onun meyiti polis tərəfindən evə girildikdən 20 gün sonra aşkarlanıb. Ev sahibi kirayə borcuna görə məhkəməyə müraciət etdikdən sonra mənzilin boşaldılması qərarı çıxarılıb və polis məcburi şəkildə içəri daxil olub.

İlkin araşdırmalara əsasən, mənzilə zorla girildiyinə dair heç bir iz tapılmayıb, bu da cinayət ehtimalını azaldır. Ekspertiza meyitin çoxdan çürüdüyünü və ölüm səbəbinin hələ müəyyən edilmədiyini bildirib.

Humaira Asghar aktyorluqla yanaşı modellik edib və gözəllik yarışmalarında da uğurlar qazanıb. Onun tək yaşadığı və sosial əlaqələrinin zəif olduğu qeyd olunur.

Hadisə Pakistanda sosial təcrid və tənha həyat mövzusunu yenidən gündəmə gətirib. Sosial mediada minlərlə insan başsağlığı mesajları paylaşıb.

Telegramda izləyin