Böyük yük maşınını balaca uşaqlar sürdü

Mersində yol hərəkəti qaydalarının kobud şəkildə pozulduğu anlar kameraya düşüb.

Sonxeber.az xəbər verir ki, sosial mediada yayılan görüntülərdə böyük bir yük maşınının sükanı arxasında 10-11 yaşlarında iki uşağın olduğu görünür.

Hadisə, hərəkətdə olan bir avtomobilin kamerasına təsadüfən əks olunub. Sürücü, qarşısında gedən yük maşınının anidən sola dönməsi ilə vəziyyətdən şübhələnib və yaxınlaşdıqda inanılmaz mənzərə ilə qarşılaşıb. Sükan arxasında heç bir böyüyün olmadığı, əvəzində kiçik yaşlı uşaqların maşını idarə etdiyi üzə çıxıb.

Görüntülər sosial mediada qısa müddətdə geniş yayılaraq ciddi narahatlıq doğurub. Sosial şəbəkə istifadəçiləri məsuliyyətsizliyə sərt reaksiya verərək hadisənin hüquq-mühafizə orqanları tərəfindən araşdırılmasını tələb ediblər.

Telegramda izləyin