Sosial mediada başlayan dava, küçədə qanla bitdi

İstanbulun Kağıthane rayonunda keçmiş həyat yoldaşını sosial şəbəkədə canlı yayımda gördüyü şəxslə qarşılaşan bir nəfər hadisə yerində qalmaqal yaratdı.

Sonxeber.az türk mediasına istinadən xəbər verir ki, iddialara görə, 34 yaşlı Bülənt B. dostları ilə birlikdə gəzinti zamanı keçmiş həyat yoldaşının sosial mediada birgə canlı yayım etdiyi tanışı Taner A. ilə küçədə qarşılaşıb. Aralarında mübahisə yaranan şəxslərdən Bülənt B. Taner A.-ya bıçaqla hücum edib.

Hadisəyə müdaxilə edən ətrafdakı insanlar tərəfləri sakitləşdirməyə çalışıb. Bu zaman kənardan müdaxilə edən bir nəfər bıçaqlanaraq yaralanıb. Dərhal əraziyə polis və təcili tibbi yardım əməkdaşları cəlb olunub. Yaralı xəstəxanaya çatdırılıb.

Hadisə zamanı Bülənt B. də daxil olmaqla ümumilikdə 4 nəfər polis tərəfindən saxlanılıb.

Digər tərəfdən, insident anı ərazidəki bir ticarət obyektinin təhlükəsizlik kamerasına düşüb. Kadrlarda Bülənt B.-nin Taner A.-nı masada oturarkən gördükdən sonra ona tərəf hücum etdiyi və ətrafdakıların davaya müdaxilə etdiyi anlar əks olunub.

Hadisə ilə bağlı istintaq aparılır.

Telegramda izləyin