2 tibb işçisinə məzar olan Teslanın son vəziyyəti

Malatya-Elazığ avtomobil yolunda baş verən dəhşətli yol qəzası iki tibb işçisinin həyatına son qoyub.

Sonxeber.az xəbər verir ki, hadisə gecə saat 04:00 radələrində Turgut Özal Tibb Mərkəzinin yaxınlığında qeydə alınıb.

Əldə edilən məlumata görə, Ozan Uçarın (33) idarə etdiyi 34 U 0047 dövlət nömrə nişanlı "Tesla" markalı avtomobil idarəetmədən çıxaraq yol kənarındakı işıq dirəyinə çırpılıb.

Güclü zərbə nəticəsində avtomobil ortadan iki hissəyə bölünüb və alışaraq yanmağa başlayıb.

Hadisə yerinə dərhal yanğınsöndürən, təcili tibbi yardım və polis əməkdaşları cəlb olunub. Yanğın yanğınsöndürənlərin müdaxiləsi ilə söndürülüb. Təəssüf ki, avtomobildə olan Ozan Uçar və Uğur Oğraş hadisə yerində həyatını itiriblər.

Həlak olanların meyitləri hadisə yerində aparılan ilkin araşdırmalardan sonra məhkəmə-tibbi ekspertizaya göndərilib. Tibbi ekspertiza prosesindən sonra cəsədlər yaxınlarına təhvil verilib.

Məlumata görə, hər iki şəxs Turgut Özal Tibb Mərkəzində tibb işçisi kimi fəaliyyət göstərib. Onların xatirəsinə iş yerində vida mərasimi keçiriləcəyi bildirilib. Uğur Oğraşın Malatyanın Yeşilyurt rayonunun Konak məhəlləsində, Ozan Uçarın isə Doğanşəhər rayonundakı ailə qəbiristanlığında dəfn olunacağı qeyd edilib.

Qəza ilə bağlı araşdırma aparılır.

Telegramda izləyin