23 yaşlı tibb bacısı iş başındaykən qəflətən vəfat etdi - FOTO

İki illik təcrübəsi olan tibb bacısı Özgür Yaylagül Gökçe 14 iyul 2025-ci il, bazar ertəsi günü saat 16:30-da növbəsinə başlayıb. Gecə növbəsi sabaha qədər davam edəcəkdi. Gökçe növbədən əvvəl anası ilə birlikdə xəstəxanaya gəlib, anasını yola saldıqdan sonra işə başlayıb.

Sonxeber.az türk mediasına istinadən xəbər verir ki, gecə saatlarında özünü halsız hiss edən gənc tibb bacısı ofisdə dincəlməyə başlayıb. Onun Tip 2 diabet xəstəsi olduğu və özünün serum vurduğu iddia edilir.

Səhər saat 07:00 radələrində Gökçe ilə əlaqə saxlamaq mümkün olmayıb. Mesai yoldaşları onun otağına daxil olaraq tibb bacısını hərəkətsiz vəziyyətdə tapıblar. İlk tibbi müdaxilələrə baxmayaraq, təxminən 1,5 saat davam edən səylərə rəğmən, Gökçe həyatını xilas etmək mümkün olmayıb.

23 yaşlı gənc tibb bacısının qəfil ölümü həmkarları və xəstəxana heyəti arasında böyük kədər yaradıb. Acı xəbər ailəsinə və xəstəxana rəhbərliyinə çatdırılıb. İlk tibbi araşdırmalara əsasən, onun qəfil ürək tutması keçirdiyi ehtimal olunur.

Ölüm səbəbi tibbi ekspertizadan sonra dəqiqləşdiriləcək.

Telegramda izləyin