23 yaşlı tibb bacısı gecə növbəsində olan zaman infarkt keçirib öldü

Türkiyədə 23 yaşlı tibb bacısı infarkt keçirərək dünyasını dəyişib.

Sonxeber.az türk mediasına istinadən xəbər verir ki, Trakya Universiteti Tibb Fakültəsi Xəstəxanasının tibb bacısı Özgür Yaylagül Gökçe gecə növbəsində olarkən infarkt keçirərək dünyasını dəyişib.

Belə ki, gənc qızdan xəbər ala bilməyən həmkarları otağına girəndə onu hərəkətsiz vəziyyətdə tapıblar. İlk müayinədə onun infarkt keçirdiyi bildirilib. Bir saat yarıma yaxın səylərə baxmayaraq, tibb işçiləri gənc tibb bacısını həyata qaytara bilməyiblər. Özgür Yaylagül Gökçenin öldüyü açıqlanıb.

İki ildir xəstəxanada işləyən 23 yaşlı tibb bacısının qəfil ölümü həmkarlarını və xəstəxana işçilərini dərindən kədərləndirib. İlkin araşdırmalar Gökçenin ölümünün dəqiq səbəbi isə yarılmadan sonra müəyyənləşəcək.

Telegramda izləyin