Özəl çimərliyə meyvə və qarpız keçirmək istəyən qadın, işçilər tərəfindən döyülüb

İstanbulun Sarıyer bölgəsindəki özəl çimərliyə ailəsi ilə gedən qadının özü ilə gətirdiyi meyvə və qarpızı içəri keçirməyə cəhd etməsi çimərlik işçiləri tərəfindən narazılıqla qarşılanıb.

Sonxeber.az türk mediasına istinadən xəbər verir ki, çimərlik işçiləri Aynaz B.-yə özləri ilə gətirdikləri qarpız və meyvələrlə içəri buraxılmayacaqlarını bildiriblər. Qadın isə uşaqları üçün meyvə və qarpız gətirdiklərini və sahilə girmək istədiklərini izah edib. Lakin işçilərlə qadın arasında mübahisə yaranıb.

Hadisəni mobil telefonu ilə lentə almağa cəhd edən Aynaz B. işçilərdən biri tərəfindən döyülüb. Daha sonra onun telefonunu əlindən alaraq yerə atıblar. Hadisədən sonra üç qadın və uşaqlar sahildən kənara çıxarılıb.

Hadisə anı sosial mediada sürətlə yayılıb.

Telegramda izləyin