Piknik zamanı ağac budağı ailənin üzərinə düşdü: 11 nəfər xəstəxanaya yerləşdirildi

Konyanın Ereğli rayonuna bağlı Atatürk Mədəniyyət Parkında dünən axşam saatlarında baş verən hadisə faciə ilə nəticələnib. Parkdakı ağaclardan birinin qurumuş budağı qırılaraq, piknik edən vətəndaşların üzərinə düşüb.

Sonxeber.az xəbər verir ki, hadisə nəticəsində eyni ailədən 11 nəfər müxtəlif dərəcəli xəsarətlər alıb. Hadisə barədə məlumat verildikdən dərhal sonra əraziyə təcili tibbi yardım və polis əməkdaşları cəlb olunub. Yaralılar Ereğli Dövlət Xəstəxanasına çatdırılaraq müalicəyə götürülüblər. Hadisənin baş verdiyi ərazi təhlükəsizlik lenti ilə bağlanaraq vətəndaşların girişinə qadağa qoyulub.

Hadisə şahidlərindən biri olan Vicdani Yıldız baş verənləri belə izah edib:

"Mövsümi işçi kimi Hataydan gəlmişik. Ailəmlə birlikdə burada oturub bir şeylər yemək istəyirdik. Nə baş verdiyini anlamadıq, bir anda başımızın üstünə ağacın budağı düşdü. Ailəmdən 11 nəfər xəsarət aldı. Avtomobilim də zərər gördü, çox çətin vəziyyətdəyik".

Hadisə ilə bağlı araşdırma aparılır. Park ərazisində təhlükə yarada biləcək qurumuş ağacların vəziyyəti nəzarətə götürülüb.

Telegramda izləyin