Evlənmək üçün dostunun yanında işə başlayan gənc toy eləmək yerinə, həbsə girdi

Ankarada züccaciye mağazada çalışan 22 yaşlı Burak Sevinç, dostu H.B.U.-nun e-ticarət iş təklifi üzərinə bank hesabı açıb və kart məlumatlarını verməsindən sonra 17 ayrı dələduzluq işi ilə üzləşib.

Sonxeber.az türk mediasına istinadəən xəbər verir ki, gənc, məhkəmədə mühakimə olunduğu bir iş üzrə 3 il 4 ay həbs və 166 min TL məbləğində pul cəzasına məhkum edilərək həbsxanaya göndərilib.

İddiaya görə, Sevinç nişan mərasimi xərclərini ödəyə bilmək üçün dostunun "aile şirketi"ndə işləməyə razılaşıb. Saç formalaşdırıcı məhsulların satışı adı ilə fəaliyyət göstərən şirkətdə işləyə bilmək üçün bank hesab məlumatlarını və kartını dostuna verib. Təxminən 15 gün sonra onun adına "bank və ya kredit qurumlarından istifadə edərək dələduzluq" ittihamı ilə 17 ayrı istintaq başladılıb.

İzmir 15-ci Ağır Cinayət Məhkəməsində aparılan işdə Sevinç, müştəri B.K.K.-nın şikayəti əsasında 3 il 4 ay həbsə və 166 min TL cəriməyə məhkum olunub. O, qərara etiraz etsə də, apellyasiya məhkəməsi şikayəti rədd edib.

Burak Sevinçin anası Hacer Sevinç Yoldaş (42), oğlunun günahsız yerə həbs edildiyini bildirərək deyib:

"Toyumuzu maddi imkan olmadığından edə bilmirdik. Dostu ona iş təklif etdi, ailə şirkətində saç düzləşdirici satışı ilə məşğul olduqlarını dedi. Oğlum bunun cinayət olduğunu bilmədən razılaşdı. Şikayət geri çəkildiyi və zərər ödəndiyi halda oğlum indi 17 iş üzrə mühakimə olunur. Bir iş üzrə hökm təsdiqlənib və 3 il 4 ay həbs cəzası alıb. Digər işlər də davam edir."

Ananın sözlərinə görə, oğlunun bank hesabı məlumatları 15 gün ərzində dostunun əlində olub, həmin müddətdə edilən qanunsuz əməliyyatlara görə mühakimə prosesi hələ də davam edir.

Telegramda izləyin