Həkim doğum edən qadının körpəsini pul qarşılığında aldı – Hadisə tibb bacısının sayıqlığı ilə üzə çıxdı

Aydının Kuşadası Dövlət Xəstəxanasında çalışan uşaq həkimi Şebnem E., xəstəxanada doğum edən bir qadının baxa bilməyəcəyini dediyi körpəsini pul qarşılığında satın alıb.

Sonxeber.az türk mediasına istinadən xəbər verir ki, hadisə bir tibb bacısının sayıqlığı sayəsində üzə çıxıb, həkim saxlanılaraq günahını etiraf edib.

Yeni Asır-ın məlumatına görə, həkim Şebnem E. 9 günlük körpəyə baxıcı tutaraq onu evinə aparıb. Lakin evdə körpə qucağında olarkən ayağı büdrəyib və uşağı yerə salıb.

Panikaya düşən qadın həkim körpəni başqa bir uşağmış kimi göstərərək müalicə etdirmək üçün baxıcının köməyi ilə işlədiyi xəstəxanaya gətirib.

Skandal isə reanimasiya şöbəsində çalışan tibb bacısının diqqəti ilə ortaya çıxıb. Körpənin üzü və başındakı zədə izlərini görən tibb bacıları məsələni rəhbərliyə bildiriblər. Daha sonra körpə Aydın Adnan Menderes Universiteti Xəstəxanasına təcili köçürülüb. Şebnem E. sevk sənədinə "Ana-ata olmadığı üçün başqa rayona sevkini uyğun gördüm" qeydini yazıb.

Həkim barəsində insan alveri və ehtiyatsızlıqla xəsarət yetirmə ittihamları ilə istintaq başlanıb. Saxlanılan Şebnem E. ifadəsində uşağı olmadığı üçün 11 gün əvvəl xəstəxanada doğum edən qadının körpəsini pul qarşılığında aldığını etiraf edib.

Telegramda izləyin