Xəyanət anı kafedə ortaya çıxdı: 40 yaşlı kişi xəstəxanalıq oldu

İstanbulda ictimai məkanda baş verən xəyanət hadisəsi sosial şəbəkələrdə və yerli mediada geniş müzakirələrə səbəb olub. Hadisə 40 yaşlı evli kişinin gənc bir qadınla kafedə gizli görüşü zamanı həyat yoldaşı və baldızı tərəfindən yaxalanması ilə başlayıb.

Sonxeber.az-ın xarici mediaya istinadən verdiyi məlumata görə, qadın və bacısı kişinin davranışlarından şübhələndikdən sonra onun izlənilməsinə qərar veriblər. Onlar şəxsin kafedə başqa bir qadınla oturduğunu görəndə vəziyyət gərginləşib. Xəyanəti açıq-aşkar görən həyat yoldaşı özünü saxlaya bilməyərək ərinin yanında olan gənc qadına hücum edib.

Gözlənilmədən başlayan mübahisə qısa müddət ərzində fiziki qarşıdurmaya çevrilib. Kafedə olan müştərilər və personal hadisəyə müdaxilə etsə də, 40 yaşlı kişi yaranan qarışıqlıq zamanı xəsarət alıb və dərhal xəstəxanaya aparılıb.

Hadisə ilə bağlı hüquq-mühafizə orqanları araşdırma aparır. Hücum edən qadının və baldızının ifadələri alınıb. Hazırda məsələ ilə bağlı rəsmi açıqlama verilməyib.

Görüntülərin sosial mediada yayılması isə cəmiyyət arasında müxtəlif reaksiyalara səbəb olub. Sosial şəbəkə istifadəçiləri hadisəni həm ictimai əxlaq, həm də şəxsi münasibətlər baxımından müzakirə edirlər.

Telegramda izləyin