Vətəndaş məzarlıqdakı xeyir çeşməsindən evinə su çəkdi

İzmirin Bornova rayonuna bağlı Naldöken Məzarlığında qeyri-adi və təəccüblü bir olay baş verib.

Sonxeber.az türk mediasına istinadən xəbər verir ki, gecə saatlarında bir şəxsin, İzmir Böyükşəhər Bələdiyyəsinə məxsus məzarlıq ərazisində yerləşən xeyir çeşməsindən evinə su apardığı müəyyən edilib.

Hadisə təsadüfən ərazidən keçən digər bir vətəndaş tərəfindən mobil telefonla qeydə alınıb. Kadrlarda həmin şəxsin hortumu çeşməyə bağlayaraq sistemli şəkildə suyu yönləndirdiyi açıq şəkildə görünür. Görüntüləri izləyən sosial media istifadəçiləri "Daha nələr görəcəyik?" deyə sərt reaksiya veriblər.

Sosial mediada geniş yayılan görüntülərdən sonra yerli sakinlər hadisəyə böyük etiraz bildiriblər. Onlar müqəddəs məkan sayılan məzarlığın bu cür istismarla gündəmə gəlməsinin narahatedici olduğunu vurğulayıblar və bələdiyyədən məsələyə müdaxilə etməsini tələb ediblər.

Telegramda izləyin