72 yaşlı kişi eyni gün həm evini, həm həyat yoldaşını itirdi

Adananın Yüreğir rayonunda yaşayan 72 yaşlı Mustafa Şamar, eyni gün həm həyat yoldaşını, həm də evini itirdikdən sonra çətin həyat şəraitində təkbaşına yaşayır.

Sonxeber.az türk mediasına istinadən xəbər verir ki, hazırda ayda təxminən 5 min TL yaşlılıq maaşı ilə keçinməyə çalışan Şamar, depodan çevrilmiş bir otaqlı kirayə evdə qonşularının yardımı ilə h'yatda qalmağa çalışır.

Gəncliyində sığortasız inşaat işlərində çalışan Mustafa Şamar, 1976-cı ildə Gülər Şamar ilə ailə qurub və Anadolu məhəlləsində kirayə götürdükləri taxta evdə 2 qız, 1 oğlan övladı böyüdüb. Lakin illər keçdikcə ailə sağlamlıq problemləri ilə üzləşib. Gülər Şamar Alzaymer xəstəliyinə tutulub və vəziyyəti ağırlaşdığı üçün 2013-cü ildə xəstəxanaya yerləşdirilib. Həmin gün evlərində sobadan çıxan alov yanğına səbəb olub və ev tamamilə yanaraq yararsız hala düşüb. Evinin yandığını öyrənən Gülər Şamar, xəstəxanada vəziyyəti pisləşərək eyni gün dünyasını dəyişib.

Arvadını itirdikdən sonra bir müddət övladlarının evində qalan Mustafa Şamar, onların soyuq münasibət göstərdiyini hiss etdiyini deyib. Daha sonra dostunun yardımı ilə indiki yaşadığı depodan çevrilmiş bir otaqlı evə köçüb. "Uşaqlarım mənə qarşı getdikcə laqeyd oldular, istənilmədiyimi hiss etdim. Buna görə yanlarından ayrıldım. Təxminən bir ildir bu yerdə tək yaşayıram. Komşularım kömək edir, amma övladlarım nə zəng edir, nə də hal-əhvalımı soruşur. Hayatımın son illərini daha yaxşı şəraitdə keçirmək üçün yardım istəyirəm," – deyə Şamar bildirib.

O, övladlarından ən azı bir zənglə vəziyyətini soruşmalarını gözlədiyini deyərək belə danışıb: "Gecələr bura tam qaranlıq olur, başıma bir iş gəlsə, heç kimin xəbəri olmayacaq. Son dəfə onları çağırıb ‘xəstəyəm, məni buradan alın’ dedim, amma əsəbiləşib telefonu üzümə bağladılar. Uzun müddətdir nə düzgün yemək yeyirəm, nə də su içirəm. Sadəcə komşu esnaf zeytun, pendir, yağ kimi əsas ehtiyaclarımı qarşılayır. Yetkililərdən mənə sahib çıxmalarını və daimi yaşayış yeri təmin etmələrini istəyirəm."

Kozan Çarşısında fəaliyyət göstərən esnaf Ömər Kaya da Mustafa Şamarın əsas ehtiyaclarının komşuların dəstəyi ilə qarşılandığını bildirib: "Mustafa ağabeyimiz kimsəsizdir, bu yaşda təkbaşına yaşamaq çox çətindir. Biz əlimizdən gələn yardımı edirik, amma onun üçün davamlı dəstək lazımdır. Yetkililərdən ona sahib çıxmalarını gözləyirik."

Telegramda izləyin