Qadın boğazına iynə ilişən toyuğunu dövlət xəstəxanasına apardı - VİDEO

Giresunun Çamoluk rayonunda yaşayan bir qadın heyvanına göstərdiyi həssaslıqla diqqət çəkib.

Sonxeber.az türk mediasına istinadən xəbər verir ki, boğazına iynə ilişən toyuğunu xilas etmək istəyən qadın əvvəlcə baytara müraciət etsə də, müdaxilə nəticə verməyincə bu dəfə dövlət xəstəxanasına gələrək müalicə tələb edib.

Hadisə Çamoluk Dövlət Xəstəxanasında yaşanıb. Rutin müayinələr davam etdiyi vaxt əlində toyuqla içəri girən qadın məsul şəxslərə müraciət edərək belə deyib:

"Baytara apardım, çox çalışdılar amma çıxara bilmədilər. Dedilər ki, ‘röntgen çəkdirə bilsən, yaxşı olar’. Mən də bura gətirdim."

Lakin tibb işçiləri xəstəxananın yalnız insanlara xidmət göstərdiyini və heyvanlara görüntüləmə və ya müdaxilə etməyin mümkün olmadığını bildiriblər. Bunun üzərinə qadın yenidən baytar klinikasına yönləndirilib.

Telegramda izləyin