Rusca mahnıya görə çimərlikdə kütləvi dava düşdü – Qanun pozuldu, gərginlik böyüdü - VİDEO

Ukraynanın müharibənin davam etdiyi Odessa şəhərində məşhur Altın Plaj çimərliyində Rusça musiqi üstündə böyük dava baş verib.

Sonxeber.az türk mediasına istinadən xəbər verir ki, hadisə bir qrup vətəndaşın yüksək səslə Rusca mahnılar dinləməsindən sonra başlayıb. Müharibə səbəbilə ictimai yerlərdə Rusca musiqi çalmaq qadağan olunduğu üçün digər vətəndaşlar narazılıq bildiriblər.

Sosial mediada yayılan görüntülərdə bikini geyinmiş qadınların bir-birinə hücum etdiyi, saçlarını dartdığı və yumruqla davaya qarışdığı anlar əks olunub. Dava getdikcə böyüyüb, qadınlara başqa qadınlar və kişilər də qoşulub. Bir anda böyük bir qrup qumun üzərində yığışaraq münaqişəni davam etdirib. Dava səngidikdən qısa müddət sonra iki kişi yenidən dalaşaraq qarşıdurmanı daha da alovlandırıb.

Yerli media "Strana" hadisənin "Rusca mahnının səsləndirilməsindən sonra vətəndaşlar arasında başladığını" yazıb.

Qeyd edək ki, Rusiyanın 2022-ci ilin fevralında müharibə başlatmasından bəri Odessa 700-dən çox hava hücumuna məruz qalıb. Şəhərdə 131 dinc sakin həyatını itirib, 312-dən çox insan yaralanıb. Tətilçilərin bir qədər nəfəs almaq üçün üz tutduğu Altın Plajda yaşanan bu dava, şəhərdəki gərgin atmosferi bir daha gözlər önünə sərib.

Telegramda izləyin