"Dəfinə axtarır" deyə düşündükləri helikopterin əsl sirri ortaya çıxdı

Gümüşhanədə "dəfinə axtarır" deyə düşündürən helikopterin sirri açıldı

Türkiyənin Gümüşhane vilayətində böyük metal halqa ilə uçan bir helikopterin görünməsi yerli əhali arasında "dəfinə axtarılır" söz-söhbətlərinə səbəb olub.

Sonxeber.az türk mediasına istinadən xəbər verir ki, qısa zamanda hadisənin əsl səbəbi məlum olub — sözügedən helikopterin Maden Tetkik ve Arama (MTA) qurumuna aid olduğu və "Havadan Geofiziki Elektromaqnit Tədqiqatları" layihəsi çərçivəsində istifadə edildiyi açıqlanıb.

Yerli sakinlər tərəfindən lentə alınan helikopterin xüsusi jeofiziki sensorlarla təchiz olunduğu və bölgənin metal tərkibli mədən potensialını müəyyən etmək məqsədilə havadan məlumat topladığı bildirilib. Əldə edilən məlumatlar vasitəsilə mədən ruhsat sahələrinin iki və üçölçülü modellərinin hazırlanacağı qeyd edilib.

Mütəxəssislər bu texnologiyanın yeraltı mədən ehtiyatlarını müəyyənləşdirməkdə "havadan rentgen" funksiyası gördüyünü vurğulayıblar. 2025-ci il ərzində isə Türkiyədə ümumilikdə 15 min 250 kilometr ərazidə havadan geofiziki tədqiqatların aparılması planlaşdırılır.

Beləliklə, bölgədə maraq və təlaş doğuran helikopter uçuşlarının arxasında elmi və texnoloji bir tədqiqat layihəsinin olduğu ortaya çıxıb.

Telegramda izləyin