İnternetdə tanış olduğu 5 nəfərlə görüşdü, görün sonra nə oldu...

Türkiyənin Tekirdağ vilayətinin Çərkäzköy rayonunda internet vasitəsilə tanış olduğu 5 nəfər tərəfindən meşəyə aparılan bir şəxs döyülüb.

Sonxeber.az türk mediasına istinadən xəbər verir ki, hadisə Çərkäzköyün Kızılpınar Namık Kemal məhəlləsində baş verib. Məlumata görə, U.İ. adlı şəxs internet tətbiqi vasitəsilə tanış olduğu iki nəfərlə Çərkäzköy mərkəzində görüşüb. Daha sonra həmin şəxslər tərəfindən Kızılpınar məhəlləsində yerləşən Kocameşe istirahət sahəsinə aparılan U.İ., burada hücuma məruz qalıb. Döyülən zərərçəkən telefonunun zorla əlindən alındığını bildirərək polisə müraciət edib.

U.İ.-nin şikayəti əsasında Çərkäzköy Respublika Prokurorluğunun koordinasiyası ilə istintaq başladılıb. Kızılpınar Jandarma Bölük Komandanlığı və Çərkäzköy Jandarma Cinayət Axtarış Qruplarının (JASAT) apardığı əməliyyat nəticəsində hadisəni törətdiyi müəyyən edilən R.Y., M.Ş., S.K., F.G. və F.G. adlı 5 nəfər saxlanılıb. Onlar məhkəməyə çıxarıldıqdan sonra həbs ediliblər.

Telegramda izləyin