İş yerində çılpaq gəzib əməkdaşlarına təcavüz edən həkimin lisenziyası 5 il müddətinə ləğv edildi

ABŞ-ın Arkanzas ştatında həkim David Diffine, iş yerində çılpaq gəzərək əməkdaşlarına cinsi təcavüz göstərdiyi üçün 5 il müddətinə həkimlik lisenziyasından məhrum edilib.

Sonxeber.az xarici mediaya istinadən xəbər verir ki, hadisə 2024-cü ildə də ofisdə quraşdırılmış təhlükəsizlik kameraları tərəfindən qeydə alınıb.

Görüntülərdə Diffine-nin yalnız papaq taxaraq tamamilə çılpaq şəkildə ofisdə gəzdiyi, xəstə otaqlarına girdiyi və qeydiyyat bölməsində üç qadın əməkdaşın qarşısında cinsi hərəkət etdiyi görünür. Qadınlardan birinin həkimin həm də xəstəsi olduğu müəyyən edilib.

Arkanzas Tibb Şurası həkimin davranışlarını "peşə etik qaydalarının kobud şəkildə pozulması" kimi qiymətləndirərək, onun cinsi kompulsiv pozuntu və ya sapqınlıq problemi ola biləcəyinə diqqət çəkib. Şura həmçinin həkimin fəaliyyətinin xəstələrə də təhlükə yaratdığını vurğulayıb.

Diffine isə özünü "naturist" kimi təqdim edərək, çılpaqlığın utanılmalı bir şey olmadığını deyib və görüntülərdən xəbərsiz olduğunu iddia edib. Lakin bir bəzi xəstələr həkimin əməkdaşlarını və xəstələrini güc tətbiq etməklə və maaş vədi ilə cinsi təcavüzə məcbur etdiyini açıqlayıb.

Hadisə, iş yerlərində təcavüz və zorakılıq hallarının artdığı bir dövrdə baş verib. Son zamanlar Nyu-Yorkda bir menecerin əməkdaşına cinsi təcavüz etdiyinə görə məhkəməyə verilməsi, lakin zərərçəkmişin işdən çıxarılması, həmçinin bir polis əməkdaşının mentorunun təcavüzünə məruz qalaraq şikayətdən sonra işini itirməsi kimi oxşar hallar gündəmdədir.

Telegramda izləyin